Best Poetry And jokes in a single place

قربتوں میں بھی جدائی کے زمانے مانگے دل وہ بے مہر کہ رونے کے بہانے مانگے ہم نہ ہوتے تو کسی اور کے چرچے ہوتے خلقتِ شہر تو کہنے کو فسانے مانگے یہی دل تھا کہ ترستا تھا مراسم کے لئے اب یہی ترکِ تعلق کے بہانے مانگے اپنا یہ حال کہ جی ہار چکے لٹ بھی چکے اور محبت وہی انداز پرانے مانگے زندگی ہم ترے داغوں سے رہے شرمندہ اور تُو ہے کہ سدا آئینہ خانے مانگے دل کسی حال پہ قانع ہی نہیں جانِ فرازؔؔ مِل گئے تم بھی تو کیا اور نہ جانے مانگے

Ahmad Faraz Ghazal رنجش ہی سہی دل ہی دُکھانے کے لئے آ آ پھر سے مجھے چھوڑ کے جانے کے لئے آ کچھ تو مرے پندارِ محبت کا بھرم رکھ تُو بھی تَو کبھی مجھ کو منانے کے لئے آ پہلے سے مراسم نہ سہی پھر بھی کبھی تَو رسم و رہِ دنیا ہی نبھانے کیلئے آ کس کس کو بتائیں گے جدائی کا سبب ہم تُو مجھ سے خفا ہے تَو زمانے کے لئے آ اک عمر سے ہوں لذتِ گریہ سے بھی محروم اے راحتِ جاں مجھ کو رلانے کے لئے آ اب تک دلِ خوش فہم کو تجھ سے ہیں امیدیں یہ آخری شمعیں بھی بجھانے کے لئے آ

Ahmad Faraz Kaun Kis Ki Saath Mukhlis Hai Faraz                                                            Waqt Her Shakhs Ki Awqaat Bata Deta Hai